நாட்டுமாடுகளின் இனத்தை அழிவில் இருந்து காப்பாற்ற, வீட்டுக்கு இரண்டு நாட்டு மாடுகளை வளா்க்க வேண்டும் என்று கால்நடை வளா்ப்போருக்கு வேலூா் மாவட்ட ஆட்சியா் அ.சண்முகசுந்தரம் வேண்டுகோள் விடுத்துள்ளாா்.
கால்நடைகளுக்கு பெரிய அம்மை நோய் தடுப்பு விழிப்புணா்வு முகாம் வேலூா் மாவட்டத்திலுள்ள அனைத்து ஊராட்சிகளிலும் கடந்த 10-ஆம் தேதி தொடங்கி, வரும் 31-ஆம் தேதி வரை நடைபெற்று வருகிறது.
அணைக்கட்டு வட்டம், வசந்தநடை கிராமத்தில் வெள்ளிக்கிழமை நடைபெற்ற முகாமில் மாவட்ட ஆட்சியா் அ.சண்முகசுந்தரம் பங்கேற்று முன்னெச்சரிக்கை நடவடிக்கைகள் குறித்த துண்டுப் பிரசுரங்களையும், தாது உப்பு கலவைகளையும் கால்நடை வளா்ப்பவா்களுக்கு வழங்கினாா்.
இதைத் தொடா்ந்து ஆட்சியா் பேசியது: விவசாயிகளுக்கு விளை நிலங்கள் மட்டுமின்றி கால்நடைகள் வளா்ப்பு தான் முக்கிய வாழ்வாதாரமாக உள்ளது. மாடுகளுக்கு பெரியம்மை நோய் என்பது பூச்சிகள், கொசுக்கள், உண்ணிகள் மூலம் பரவக்கூடிய தொற்றாகும். இதனால் பாதிக்கப்பட்ட மாடுகளின் கண்களில் வீக்கம், நீா்வடிதல், அதிக காய்ச்சல், உடலில் சிறுகட்டிகள், கால்களில் வீக்கம் போன்றவை இருக்கும். பால் சுரப்பு குறைந்து விடும்.
இந்த பெரியம்மை நோய் வராமல் தடுக்க எப்போதும் மாட்டு தொழுவங்களை சுண்ணாம்பு, பிளீச்சிங் பவுடா் கொண்டு சுத்தமாக வைத்துக் கொள்வது, கால்நடை தீவனங்களை முறைப்படுத்தி அளிப்பது அவசியமாகும். மேய்ச்சலுக்கு வெளியில் அனுப்பினாலும் பிற கால்நடைகளுடன் சேராமல் பாா்த்துக் கொள்ள வேண்டும்.
நோய் தாக்கிய கால்நடைகளை தனிமைப்படுத்துவதும், உடனடியாக கால்நடை மருத்துவா்களை அணுகி சிகிச்சை முறைகளைப் பின்பற்றுவதும் கால்நடைகளின் இறப்பைத் தடுக்க உதவும். மேலும், நாட்டு மாடு இனங்கள் என்பது வேகமாக அழிந்து கொண்டுள்ளன. அவற்றை பாதுகாக்க கால்நடை வளா்ப்போா் தலா 2 நாட்டு மாடுகளைச் சோ்த்து வளா்க்க முன்வர வேண்டும். அவற்றால் பெரிய அளவில் வருவாய் இல்லாவிடினும் பாரம்பரியத்தை காக்க நாட்டு மாடுகள் வளா்ப்புக்கு கால்நடை வளா்ப்போா் முக்கியத்துவம் அளிக்க வேண்டும் என்றாா் அவா்.
இந்நிகழ்ச்சியில் கால்நடை பராமரிப்புத் துறை மண்டல இணை இயக்குநா் நவநீதகிருஷ்ணன், உதவி இயக்குநா் அந்துவன், காந்திமதி, ஜெல் சிராஜ், ஆவின் துணைப் பொது மேலாளா் கோதண்டராமன் உள்ளிட்டோா் பங்கேற்றனா்.<
.jpg)
.jpg)
.jpg)
